Ջուրը ուղեկցում է մեր կյանքի ամեն մի ակնթարրթը: Մարդը 70-90% (կախված տարիքից) բաղկացած է ջրից: Կենսագործունեությունն ապահովելու համար նա ամեն օր խմում է երկու լիտր ջուր և մեկ ու կես լիտր էլ կլանում է մաշկի միջոցով` լոգանք կամ ցնցուղ ընդունելով:
Փաստ.Հարավ-արևելյան Ասիա, 1956 թ.: Ռազմական ինստիտուտի մասսայական ոչնչացման զինամթերքի պատրաստման գաղտնի լաբորատորիա: Արդեն մի քանի տարի աշխատում են ուժեղագույն բակտերոլոգիական զենքի ստեղծման վրա: Բազմաթիվ խորհրդակցություններից մեկի ժամանակ քննարկվում են այն հատկությունները, որը պիտի ունենա այդ զենքը: Քննարկումն անսպասելի ընդհատվում է. բոլոր մասնակիցներին տեղափոխում են հոսպիտալ` սուր սննդային վարակի ախտանիշերով (սիմպտոմ): Բացի ջրամանների ջրից, գիտնականները ուրիշ ոչինչ չէին օգտագործել: Ջուրը ստուգեցին` ոչ մի վնասակար խառնուրդ, քիմիական կազմը H2O: Հետաքննությունը մտնում է փակուղի: Հաշվետվության մեջ այդպես էլ գրեցին. թունավորման պատճառ է դարձել սովորական ջուրը:
Քսան տարի անց առաջադրվեց հիպոթեզ, որը կարող է բացատրել ջրի անկանխատեսելի պահվածքը. ջուրը հիշողություն ունի: Աշխարհի տարբեր մասերում կատարված փորձերի արդյուքները ցույց են տվել, որ ջուրը հիշում ու տպավորում է ցանկացած ազդեցություն, գրանցում է այն ամենը, ինչ տեղի է ունենում շրջակա միջավայրում: Ջրին բավարար է առարկայի հետ հպումը, որպեսզի իմանա նրա հատկությունների մասին ու պահի նրա մասին ինֆորմացիան իր հիշողության մեջ:
Տպավորելով (ֆիքսելով) ինֆորմացիան. ջուրը նոր հատկություններ է ձեռք բերում, միաժամանակ նրա քիմիական բաղադրությունը մնում է անփոփոխ (ջրի կառուցվածքը` նրա մոլեկուլների դասավորությունը, կարևոր է քիմիական բաղադրությունից):
Ջրի մոլեկուլները միավորվում են խմբերի, կլաստերների: Հենց այդ կլաստերներն են հանդիսանում յուրատեսակ հիշողության խոռոչներ: Որպես նյութ ջուրը չի փոխվում, սակայն նրա կառուցվածքը` կարծես ներվային համակարգ, արձագանքում է ցանկացած գրգռումներին ու ազդեցություններին: Ժամանակակից սարքերը կարողացել են ֆիքսել, որ ջրի հիշողության յուրաքանչյուր խոռոչում կա 440 հազար ինֆորմացիոն պանել, որոնցից յուրաքանչյուրը պատասխանատու է շրջակա միջավայրի հետ փոխազդեցության իր ձևի համար: Այսինքն, նրանցից յուրաքանչյուրը գրանցում է իր բաժին ինֆորմացիան: Ավելի պարզ կարելի է բացատրել այսպես. պանելներից մեկը գրառում է օրինակ ջրի հետ փոխհարաբերվող առարկայի արտաքին տեսքը նկարագրող ինֆորմացիա, մյուսը առարկայի` ագրեգատային վիճակն է ֆիքսում ու այդպես շարունակ: Փաստորեն ջրի մեկ խոռոչը կարող է պարունակել շրջակա միջավայրի մասին 440 հազար տեսակի տարբեր ինֆորմացիա: Եթե կլաստերը դիտարկենք, որպես որոշակի մոլեկուլների խումբ, ապա նրա կյանքի տևողությունը կարճ է: Իսկ եթե դիտենք այն, որպես կառուցվածք, որին մոլեկուլները կարող են լքել և որի մեջ կարող են ներգրավվել մոլեկուլներ, ապա կլաստերը կարող է գոյատևել երկար ժամանակ: Մոլեկուլյար կառուցվածքը ջրի այբուբենն է ու կարելի է ինչպես ստեղծել ջրային նախադասություններ, արտահայտություններ, բանաձեւեր, այնպես էլ փոփոխել դրանք:
Կատարվել են մարդու ներկայության, նրա էմոցիաների ջրի վրա ազդեցության էներգետիկական փորձարկումներ: Փորձերն անց են կացվել պոֆեսոր Կրատկովի լաբորատորիայում: Ջրով լի անոթը տեղադրել են մի խումբ մարդկանց առջև ու խնդրել են նրանց կենտրոնացնել անոթի վրա ամենադրական էմոցիաները. սեր, քնքշանք, բարություն: Հետո փոխել են անոթը ու նույն խմբին խնդրել են կենտրոնացնել անոթի վրա բացասկան էմոցիաներ. վախ, ագրեսիա ու ատելություն: Որից հետո կատարվել են չափումներ. սերը բարձրացնում է ջրի էներգետիկան, իսկ ագրեսիան ցածրացնում:
Դոկտոր Էմոտոյի լաբորատորիա. ջրի վրա ազդեցություններ են կիրառվում և ջրի տպավորությունները ֆիքսվում են նրա արագ սառեցման միջոցով: Բացարձակ աղավաղված կառուցվածք էր ստացվել այն ջրի մոտ, որին ասվել էր. ՙես քեզանից զզվում եմ՚, գեղեցիկ նախշ էր ստացվել ՙշնորհակալություն՚, ՙներիր՚ բառերի ազդեցությունից:
Բնության մեջ գետերն ու առվակները միշտ հոսում են սահուն ոլորաններ ու գալարներ ունեցող հունով, այն դեպքում, երբ ցանկացած ջրատար համակարգում ջուրը բազմաթիվ անգամ թեքվում է ուղիղ անկյան տակ: Ամեն շրջադարձի հետ նրա բնական կառուցվածքը ավելի ու ավելի շատ է խախտվում: Ջրատար համակարգի ջուրն ունի տարբեր ձևի բյուրեղներ, սակայն դրանք բոլորն էլ դեֆորմացված են. չկա ոչ մի գեղեցկություն ու սիմետրիա: Ավելին` հոսելով խողովակներով ջուրը կլանում է մարդկանց, կենդանիների ու բույսերի էներգիաները, որոնք ապրում են այն տանը, որով անցնում է խողովակը: Շատ քաղաքներում ջուրը փակ ցիկլի մեջ է. անցնելով մաքրման համակարգի միջով` այն նորից վերադառնում է մեր տները, պահպանելով ջրի քիմիական բաղադրությունը: Սակայն սարսափելին այն է, որ ջուրը մեզ հասնում է, անցնելով հազարավոր տների ու բնակարանների միջով` կլանելով իր անցած ճանապարհի ինֆորմացիան: Մենք աղտոտում ենք ջուրը հոգեպես` ջուրն, անցնելով տներով, կլանում է ատելություն, չարություն, սթրես և այլն:
Մոլեկուլյար մակարդակում ջուրը ԴՆԹ գալարագծի (սպիրալ) կառուցվածքն է ստեղծում. եթե ջուր չլինի, չի լինի նաև գալարագիծը: Նա ստեղծում է պրոտեինների կառուցվածք, որը չէր աշխատի առանց ջրի: Միայն ջրի մեջ է սկսում իր կյանքը ցանկացած սերմ, սաղմ: Հենց ջուրն է, համակարգչի նմանությամբ, բացում ցանկացած բիոլոգիական ծրագիր, բայց և փոխել այն կարող է միայն ջուրը:
Ջրի վիճակը կարող է փոխել մարդու վիճակը, քանի որ մարդու մարմինը իրենից հենց ջուր է ներկայացնում: Փորձերը ցույց են տվել, որ ստրուկտուրավորված (արտաքին ազդեցությունների միջոցով հնարավորինս վերականգնում են ջրի մոլեկուլների իրական կառուցվածքը, դասավորությունը) ջուր խմելուց հետո մարդու արյան մեջ դրական փոփոխություններ են կատարվում:
Աղոթքներ ընթերցելով` մարդը փոխում է ջրի կառուցվածքը: պարզվում է, որ ցանկացած լեզվով աղոթքի բառերի տատանման հաճախականությունը հավասար է 8 գիգահերցի, ինչը համապատասխանում է Երկրի էլեկտրոմագնիսկան դաշտի տատանման հաճախականության հետ: Բացարձակապես բոլոր մթերքները ջուր են պարունակում և աղոթքը մթերքում պարունակվող ջրին ներդաշնակ կառուցվածք է հաղորդում (երևի դա է պատճառը, որ որոշ կրոններում ընդունված է հաց ուտելուց առաջ աղոթել): Խորհուրդ. սեղան նստեցեք շատ լավ տրամադրությամբ: Նա ով նեգատիվ մտքեր է արձակում, աղտոտում է սեփական ջուրը, որից բաղկացած է իր մարմնի 70-90 %-ը: Մարդու սխալն իրեն է վերադառնում ոչ թե պատժի այլ արդյունքի տեսքով:
Մեջբերում Աստվածաշնչից. ՙՉկա անհնար ոչինչ հավատացյալի համար՚: Բոլոր սուրբ գրություններում պատմություններ կան մարդկանց մասին, որոնք հավտքի ուժով կարողացել են հրաշքներ կատարել: Ծովը ետ քաշվեց Մովսեսի առաջ, իր հավատքի շնորհիվ, որ Աստված չի թողնի Իր ժողովրդին: Կան շատ դեպքեր, երբ աղոթքը կանգնեցրել է հիվանդությունը: Երբ Հիսուս Քրիստոսը ջուրը գինի դարձրեց, նա չավելացրեց դրա մեջ շաքար կամ այլ լուծույթներ: Նա ջրին բացարձակ հատուկ հատկություն հաղորդեց: Հիսուսը ազդեց ջրի վրա ոչ բառերով, այլ իր հոգևորությամբ:
Աշխարհի շատ լաբորատրիաներում կատարվել է փորձ. նույն տարայի ջուրը բաժանել են երկու անոթների մեջ: Արտաքին ազդեցությունների միջոցով փոխել են անոթներից մեկի ջրի կառուցվածքն ու հատկությունները: Շուտով երկրորդ անոթի պարունակությունը առաջին անոթի կրկնությամբ փոխել է իր կառուցվացքը: Արդյոք սա նշանակում է, որ մարդկանց մեջ, որոնք իրենցից ներկայացնում են ջրային կառուցվածքներ, գոյություն ունի դիստանցիոն կապ: Կատարված փորձերը ցույց են տալիս, որ մարդկանց միջեւ կա այդպիսի կապ եւ անխափան գործում է նույնիսկ մայրցամաքից մայրցամաք:
Հիպոթեզ. հեղուկը կատարում է ինֆորմացիոն հաղորդիչի դեր: Այն ինչ մտածում ու կատարում է մարդը, ազդում է ոչ միայն իր, այլ նաեւ այլ մարդկանց վրա, ամբողջ տիեզերքի վրա: Մարդն իր մտքերով ազդում է շրջակա միջավայրի վրա: Ուղղակի, մի պահ մտածեք, որ բնության մեջ բոլոր օրգանիզմները պարունակում են իրենց ծավալի համեմատությամբ ահռելի քանակությամբ ջուր: Իր դրական ու բացասական մտքերով ու գործողություններով մարդն ազդում է բնության վրա, եղանակային փոփոխությունների վրա:
Թվեր.
Վերջին 9 տարում Գրենլանդիայի սառույցի հալման արագությունը աճել է 3 անգամ:
Վերջին 30 տարում փոթորիկների կործանիչ ուժը աճել է 2 անգամ:
1973-1982 թ. աշխարհում տեղի է ունեցել 1,5 հազար տարերային աղետ:
1983-1992 - 3,5 հազար:
1993-2002 - 6 հազար:
Ինֆորմացիոն աղտը թունավորում է ջուրը` կուտակվելով նրա մեջ: Ջրին տրված է ինքնամաքրման հատկություն: Դա տեղի է ունենում ագրեգատային վիճակի փոփոխության ժամանակ: Սակայն, այսօր մարդու կողմից ջրի աղտոտման արագությունը գերազանցում է նրա ինքնամաքրման արագությանը, որի հետեւանքով էլ խախտվել է բնության օրինաչափությունը:
Ստորեւ ներկայացված են բազմաթիվ փորձերի ժամանակ ջրի վրա արտաքին ազդեցություններից (միտք, խոսք, երաժշտություն) նրա կառուցվածքային փոփոխության արդյունքներ:
